"إيلاف" من القاهرة: بعد الإنتقادات التي تعرَض لها فريق عمل مسلسل "الزبيق" لاتهامات المط والتطويل بالجزء الأول من العمل الذي عُرِضَ في رمضان، حرص الفنان شريف منير المشارك في بطولته العمل مع كريم عبد العزيز على مواجهة الانتقادات المتزايدة للعمل خاصة عبر مواقع التواصل الاجتماعي.
وكتب تدوينة عبر صفحته على فيسبوك قائلا: " فى سؤال من صديق بيقول .. إن الدراما فى مسلسل الزيبق أخدت حيّز كبير على حساب الأحداث المخابراتية فى المسلسل .. وده كان ردّى ..حضرتك طرحت سؤال فى أول الكلام .. على أى أساس قرر الإنتاج إن القصة تحتاج جزئين؟".

وأضاف "أنا بقى عندى نفس السؤال لحضرتك .. على أى أساس حضرتك قررت إن القصة مش محتاجة جزئين ؟ هل حضرتك على علم بتفاصيل قصة الزيبق إللى الملخص بتاعها عند خمس أطراف فقط .. المخابرات العامة المصرية.. وائل عبدالله .. كريم عبد العزيز .. وليد يوسف .. والعبدلله ".

واستطرد موضحاً: "عملية الزيبق إللى تفاصيلها أنا والأربع أطراف السالف ذكرهم عرفينها كويس .. من رابع المستحيلات تتلم فى جزء واحد .. وده بسبب كثرة الأحداث و سخونتها .. وتم فعلاً نقاش بَيَّنَّا على الجزء الدرامى .. فوجدنا بما إن العمل فى كل الأحوال لازم يخرج على جزئين .. فيتعمل بالبلدى كده .. على نار هادية مايتسلقش .. الشاهد .. أنا رأئيّ إن أى حد شايف إن الأحداث كان ممكن تتلم فى تلاتين حلقة .. لازم يكون على علم بالقصة أولاً علشان يحكم صح .. وفى سبب مهم جداً .. الناس مستعجلة تدخل فى الأحداث على طول .. عايزين سسبنس و مخابرات بسرعة .. ونجيب من الآخر .. وده فى إعتقادى حيقفد العمل عنصر التشويق ...المسلسل من أول لحظة معروف إنه على جزئين .. وكل حاجة كانت لازم تاخد حقها صح تمهيداً للسخونه إللى إن شاء الله فى الجزء التانى .. اللعب حيكون سخن جداً .. تحياتي ".